مجرد إنسانة بقلم / سارة نعيم
مجرد إنسانة بقلم / سارة نعيم من زمان جدآ من قبل ما أفهم تفاصيل عن الإكتئاب ونتايجه من تغير ف كيميا المخ عمرى ف لحظة ما أدنت المنتحرين بس كل اللي بحسه إنى داخلياً ب أئن عليه وبحس قلبي فيا وجسدى بينحنى قدام النتيجة الأخيرة اللي أصبحت واقع والحقيقة الأمر مش بيمر عليا مرور الكرام لأنى عارفة كويس يعني إيه إنسان مبقاش قادر يقف ويصارع تانى مع وحوش بتنهش فيه بقوة وحش ذكريات، وحدة ،. مخاوف ، ترك من اللى المفروض الأقرب ، وحش جروح لسه بتنزف وبتستنزف فيه ، وحش االمجهول والرعب منه لأنه مش مُحتضن مش مطمن مبقاش فيه حيل حتى يطبطب علي نفسه ذي ما كان بيحاول عشان يستمر خلاص وصل أنه قدام حيطة سد ونفق ضلمة مش لاقى أخره حتى بصيص نور إنسان الحياة إنسحبت من جواه وصل إن هانت عليه نفسه فقرر يستقيل . لروحكم كل راحة وسلام
